الوقت الذي لم يكن موجوداً قبل أن يخترعه الإنسان
اخترعه ليقيس أبديّته فبات مقياساً لاضمحلاله.
منذ ذلك الحين، منذ تفتُّح الوعي الزمنيّ الأول، والإنسان يهْرب.
وقد صَنَع أجمل ما صَنَعَ لا ليتخلّد بل لينسى أنه موجود..

كتير صعب كل ما فكّر  فيك

وأتذكّر كيف دائماً كنت ......

بنسى كل شي

             صار

وبرجع  للبيت..   

  ولا مرة.لقيتك  .

بتذكّر كل شي

                 صار

وبروح كل الحكي

يمكن كتبت هي الصفحة اكتر من خمسين مرة !!

وكل  مرة   حس إن   ما اقدرت  وصل شو بدي  ... .

ف       قررت انه رح اكتب  وما اقرأ .

.مو انتو  رفقاتي؟؟ والحكي عنكون  ؟؟..... ف    تصطفلو ا!!!

 

لأن كل الحكي .... ما بكفي

 

بكل واحد  منكون   ...أنا بكون ديمة

كل واحد  بطريقة كتير مختلفة عن التاني

عطى،   لتصير حياتي أحلى

..لما  بتحكي معي   بدون ما تعرف شو الساعة ... لأنك ما عم تقدر تنام

لما تحاكيني الصبح لتسألني : كيفك صديقتي ؟

لما بتعطيني ايدك لنرقص ......

لما بتعرف أي لون بحب ، وكيف بشرب  القهوة

لما بكون منزوعة  ...بتحاكيني  انك تحت البيت أومي  نزلي لنشوف  اذا بتتصلحي ولاجيب وحده غيرك !!!

لما بتقللي  إذا أنت ما رحت إنا ما بدي روح ...

لما ..........بتقللي ديري بالك على حالك

لما بتتذكر عيد ميلادي

لما بتسألني عن رأيي

لما بتفيقني الصبح بكير لأني دائما عم أركض  ورا  الباص  !!

لما بيطلع   ببالي أبكي بدون أي مبرر منطقي بالنسبة إلك ولا  حتى بالنسبة إلي

لما...... بروح مشوار وما بنبسط لأنك مو موجود

لما  أربع ساعات ببتكون بس عم تتسآل علي!

لما بتغيب  بدون ما أعرف  ليش

لما بسمع قصة للمرة المية  وبضل بضحك وأنت عم تحكيها

لما بتأخر وبضل عم تستناني

لما بتتذكر اديه  بحب غنية

لما.... بتتصل فيي لأنك  مدايق

لما بتوصلني لباب البيت لأنه الوقت متأخر

لما بتشاركني بقصص..بتحكيها بينك وبينك !!

لما بكون عندي دراسة وبتسهر معي

لما منحكي عن ولاشي

لما منحكي عن كل شي

لما بعيش معكون  الحياة  بكل تفاصيلها الكبيرة والصغيرة والحلوة والمكركبة  

لما .......

                                 شفتو  أن كل الحكي ما بكفي....

بحبكون كتير ....بس هيك .

 

 

ديمة البيطار قلعجي